Tveir dystir vóru í Premier League í gjár. Manchester United vann 3-1 á útivølli móti Brentford, meðan Tottenham vann ein dramatiskan 3-2 sigur á Leicester. Seinastu tvey málini komu langt inni í yvirtíðini.
Uppflytararnir úr Brentford høvdu ikki færri enn fimm danskarar í uppstillingini, tá teir fingu vitjan av Manchester United. Gestirnir vóru kroystir í fyrra hálvleiki, men skoraðu málini. Anthony Elanga, Mason Greenwood og Marcus Rashford skoraðu málini.
Tað fall ikki í góða jørð hjá Cristiano Ronaldo, tá hann bleiv skiftur úr við støðuni 2-0. Hann vísti sína ónøgd á veg av vøllinum, og tá hann sat á bonkinum. Ralf Rangnick, venjari hjá Manchester United, tosaði við heimsstjørnuna eina løtu og forkláraði eftir dystin støðuna.
- Eg greiddi Ronaldo frá, at vit vóru frammanfyri 2-0, men at vit máttu læra av feilinum móti Aston Villa. Tá var vónbrotin av mær sjálvum, at eg ikki skifti til fimm í vejruni. Nú komu vit í somu støðu og vildi ikki gera sama mistakið, segði Ralf Rangnick við BBC og legði afturat:
- Ronaldo er 36 ár og í fantastiskum formi, men tá tú ert høvðusvenjari, mást tú síggja tað sum høvðusvenjari. Mítt arbeiði er at taka rættu avgerðirnar fyri liðið og felagið.
Tað var eisini stórur dramatikkur í Leicester í gjár. Heimaliðið var á odda 2-1, tá 94 minuttir vóru spældir, men so vendi innskifti Steven Bergwijn dystinum við tveimum málum upp á tveir minuttir. Tottenham, sum hevur spælt færri dystir enn kappingarneytarnir í stríðnum um at koma í topp fýra, liggur nú væl fyri í tí stríðnum.
1 | Man City | 22 | 18 | 2 | 2 | 54:13 | 56 |
2 | Liverpool | 21 | 13 | 6 | 2 | 55:18 | 45 |
3 | Chelsea | 23 | 12 | 8 | 3 | 46:18 | 44 |
4 | West Ham | 22 | 11 | 4 | 7 | 41:30 | 37 |
5 | Tottenham | 19 | 11 | 3 | 5 | 26:22 | 36 |
6 | Arsenal | 20 | 11 | 2 | 7 | 33:25 | 35 |
7 | Man Utd | 21 | 10 | 5 | 6 | 35:30 | 35 |
8 | Wolves | 20 | 9 | 4 | 7 | 17:15 | 31 |
9 | Brighton | 21 | 6 | 11 | 4 | 22:22 | 29 |
10 | Leicester | 19 | 7 | 4 | 8 | 33:36 | 25 |
11 | Crystal Palace | 21 | 5 | 9 | 7 | 30:31 | 24 |
12 | Southampton | 21 | 5 | 9 | 7 | 25:33 | 24 |
13 | Aston Villa | 20 | 7 | 2 | 11 | 27:32 | 23 |
14 | Brentford | 22 | 6 | 5 | 11 | 25:36 | 23 |
15 | Leeds | 20 | 5 | 7 | 8 | 24:39 | 22 |
16 | Everton | 19 | 5 | 4 | 10 | 24:34 | 19 |
17 | Watford | 19 | 4 | 2 | 13 | 23:37 | 14 |
18 | Norwich City | 21 | 3 | 4 | 14 | 10:45 | 13 |
19 | Newcastle | 20 | 1 | 9 | 10 | 20:43 | 12 |
20 | Burnley | 17 | 1 | 8 | 8 | 16:27 | 11 |