Nýggi leiðarin verður eisini nýggjur forsætisráðharri ella -ráðfrú.
11 valevni høvdu boðað frá, at tey vildu gerast forsætisráðharri, men síðani eru tey fækkað niður í tvey.
Nú skulu limir floksins avgera málið, og 5. september verður greitt, hvør verður næsti leiðari og forsætisráðfrú ella ráðharri.
Er eru nakrar upplýsingar um tey bæði velevnini:
* Rishi Sunak (137 av 357 atkvøðum í atkvøðugreiðsluni mikudagin).
42 ára gamli Rishi Sunak gjørdist fíggjarmálaráðharri fyrst í 2020 og varð fagnaður fyri búskaparliga bjargingarpakkan í sambandi við koronufarsóttina.
Hann gavst sum ráðharri 5. juli sum mótmæli ímóti Johnson. Funnist hevur áður verið at Sunak, millum annað fyri at hann fekk eina bót fyri at bróta koronureglarnar. Síðani 2015 hevur hann sitið tjóðartinginum.
Hann lovar sum forsætisráðharri at taka sær av búskaparligu afturgongdini í landinum.
* Liz Truss (113 av 357 atkvøðum í atkvøðugreiðsluni mikudagin).
46 ára gamla Liz Truss hevur verið uttanríkisráðfrú í Bretlandi síðani 2010 og hevur havt fleiri tungar sessir í bretsku stjórnini bæði undir David Cameron, Theresu May og seinast Boris Johnson.
Hon lovar sum forsætisráðfrú at lækka skattin longu fyrsta dagin í sessinum.
Keldur: Reuters.
/ritzau/
