Russar halda eftir øllum at døma fram við at provokera síni grannalond - eisini Nato-limalond.
Í dag sigur verjumálaráðharrin í Estlandi, Hanno Pevkur, at Russland aftur hevur gjørt seg inn á loftrúmið í einum Nato-landi.
Hetta veit tíðindastovan, AFP, at siga nú seinnapartin í dag.
AFP veit at siga, at trý russisk jagaraflogfør í dag hava verið inni í loftrúminum hjá Estlandi - uttan loyvi.
- Russisku jagaraflogførini vóru í loftrúminum hjá Estlandi í 12 minuttir, veit tíðindastovan AFP at siga.
Vit kunnu leggja aftrat, at øll trý eystursjóvarlondini eru limir í verjusamgonguni, Nato.
