Russiska verjumálaráðið veit í dag at siga, at russiskar herdeildir nú hava tikið bygdina, Orlivka.
Orlivka liggur í Donetsk-regiónini har eysturi í Ukraina.
Millum miðlarnar, sum bera hesi tíðindi í dag, er tíðindastovan Reuters.
Bygdin liggur minni enn 10 kilometrar frá býnum, Avdijivka, har ukrainski herurin herfyri tók seg aftur.
Sagt hevur verið, at ukrainsku herdeildirnar vantaðu lóður í royndini at verja býin.
Ukrainski herurin sigur, at teirra deildir hava bart niður níggju russisk álop nærindis Orlivka.
