Søkt verður nú eftir nýggjum sóknarprest til Vága prestagjald, tí verandi sóknarprestur, David Johannesen fer frá í summar.
Í lýsingini verður nevnt, at umsøkjarin má rokna við møguligum broytingum í kalli og starvi. Sóknarpresturin í Norðstreymoy við sæti í Vestmanna virkar í løtuni helvitina av tíðini í Vága prestagjaldi.
Í prestagjaldinum eru fimm kirkjusóknir : Mykines, Bøur, Sørvágur, Miðvágur og Sandavágur. Umleið 3.100 fólk búgva í prestagjaldinum.
Tænastubústaður er til embætið. Prestagarðurin er í Miðvági. Sóknarpresturin hevur skyldu at búgva í prestagarðinum.
Tað er búgvandi í prestagarðinum, hóast ábøtur mugu gerast..
Afturat kirkjunum eru onnur tænastustøð. Gudstænastur verða hildnar í skúlanum í Gásadali, ellis- og røktarheimi og sambýlum.
Umsóknarfreistin er 1. juli.
