Gullbrandur Øregaard var aftur liðformaður, tá hann og liðfelagarnir í Sandnes ULF spældu dyst á útivølli í triðbestu norsku fótbóltsdeildini móti Jerv í Grimstad.
Tað eydnaðist Sandnes at vinna dystin 3-1. Stóra hetjan hjá Sandnes var Ole Sundgot, ið skoraði reint hattrick.
Sandnes er næstfremst í bólki 1 í triðbestu deildini við 15 stigum fyri átta dystir. Teir hava sama stigatal sum oddaliðið, Sotra, men Sotra hevur betri málmun.
Sunnudagin 7. juni spælir Sandnes dyst á útivølli móti Vard Haugesund.
