Herfyri byrjaði Barbara í Gongini at selja sínar føroysku vørur í italsku koktailbarrini Salotto 42 í Keypmannahavn. Tað er síðan fashionforum.dk, ið fyrst bar tíðindini.
Umframt vanligar barrvørur, eru aðrar vørur sum bøkur og klæði eisini til sølu í barrini, millum annað hevur Guðrun & Guðrun áður selt vørur sínar í Salotto 42.
Nú hevur Barbara í Gongini so latið upp tað, sum tey kallað eitt samstarv við Salotto 42. Hetta er fyrstu ferð, at Barbara í Gongini letur ein veruligan handil upp.
Seinni er ætlanin at skipa fyri konsertum í Salotto 42, sum liggur í Pilestræde 52.
