Tað boðar senegalska fótbóltssambandið frá á Instagram.
45 ára gamli Pape Thiaw førdi Senegal víðari úr bólkaspælinum, hóast tap fyri Fraklandi og Noregi. Senegal vann síðani 5–0 á Irak, men tapti 2–3 eftir longda leiktíð fyri Belgia í 16-finaluni.
Úrslitið livdi ikki upp til væntingarnar. Tað serliga eftir, at Senegal fyrr í ár vann afrikanska meistaraheitið, Africa Cup of Nations.
Thiaw vakti tá stóran ans, tá hann bað spælararnar fara av vøllinum í mótmæli móti einum dømdum brotssparki. Seinni varð meistaraheitið tillutað Marokko.
Pape Thiaw er enn ein í røðini av landsliðsvenjarum, sum eru farnir úr starvi eftir HM-endaspælið. Millum hini eru Julian Nagelsmann (Týskland), Ronald Koeman (Niðurlond), Roberto Martinez (Portugal), Zlatko Dalic (Kroatia) og Javier Aguirre (Meksiko).
