Hanus Sørensen skeyt um vikuskiftið mál fyri Middelfart, sum hann herfyri gjørdi tvey ára sáttmála við eftir at hava húsast í ungdómsdeildini hjá FC Midtjylland.
Middelfart vann 2-1 ímóti Aarhus Fremad í venjingardysti, og 20 ára gamli Hanus Sørensen legði Middelfart á odda 1-0 stutt fyri hálvleik.
Talan var um eitt vakurt langskot, sum sæst í sjónbandinum niðanfyri.
Middelfart, sum liggur nummar átta í 2. division bólki 1, spælir sín fyrsta dyst eftir vetrarsteðgin leygardagin á útivølli ímóti VSK Aarhus.
##med2##
