Klokkan 17 í morgin verður dystur á Svangaskarði á Toftum.
Talan er um ein U21 EM-undankappingardyst millum Føroyar og Ísrael. Eingir áskoðarar eru loyvdir til dystin.
FM1 sigur sjálvandi frá dystinum.
Tá liðini møttust í Ísrael 15. oktober í fjør vann Ísrael 3-1. Hugin Samuelsen skoraði føroyska málið.
Tað verður bert 26 ára gamli Helgi Mikael Jónasson úr Íslandi sum skal døma dystin.
Helgi Mikael Jónasson hevur dømt á Svangaskarði einaferð áður. Tað var 31. juli í 2016, tá KÍ vann 3-0 á B68.
Helgi Mikael Jónasson hevur dømt 60 dystir í Pepsideildini í Íslandi, og hann hevur eisini dømt ein U23 Premier League dyst.
Hann hevur dømt 10 altjóða dystir higartil. Spennið er millum U17 landsdystir til Europa League undankappingardystir.
FØROYAR (U21) - ÍSRAEL (U21)
1. Dómari: Helgi Mikael Jónasson (ISL)
Hjálpardómari 1: Birkir Sigurðarson (ISL)
Hjálpardómari 2: Þórður Arnar Árnason (ISL)
4. Dómari: Vilhjálmur Alvar Þórarinsson (ISL)
UEFA dómaraeygleiðari: Mark Steven Whitby (WAL)
UEFA umboðsmaður: Róbert Agnarsson (ISL)
