Í dag er 1. mai, altjóða arbeiðaradagin. Dagurin verður í ár hátíðarhildin í heilt hampuligum veðri, eftir at lágtrýstið frá sunnudegnum er farið eystureftir, skamt sunnan fyri Føroyar. Meiri ella minni sama slag av veðri, vit hava havt seinastu mongu dagarnar.
Forsøgn, galdandi til á middegi týsdagin, skrivað klokkan 05:40 UTC.
Frískt lot til frískan vind av útnyrðingi, skiftandi skýloft og okkurt vátakava- ella kavaælið. Út á seinnapartin hækkar hann upp í norðan og minkar vindin niður í lot til frískt lot, framvegis skiftandi skýloft og ælaveður, serliga norðanfyri; í sunnaru oyggjunum yvirhøvur turt. Í nátt og fyrrapartin í morgin lot til frískt lot, norðan, skiftandi skýloft og fyri tað mesta turt kring alt landið, tó einstøk æl í støðum, sum kunnu vera regn, vátakavi ella kavi. Hitin millum 2 og 5 stig.
