Tað gjørdist StÍF sum tryggjaði sær gylta sætta plássið í SMS-deildini, ið gevur rætt til at taka lut í FM-fjórðingsfinaluni.
StÍF vann 27-26 á VB suðuri í Vágshøll, og endar sostatt á sjey stigum í grundspælinum. VB fekk svartaper og endar á sjeynda plássinum við seks stigum.
StÍF var á odda 16-13 í steðginum. Tá fýra og ein hálvur minuttur var eftir var StÍF á odda 27-23. VB fekk í gongd ein endaspurt seinastu minuttirnar, og tá Durita Krosslá Hjelm skoraði til 27-26 til StÍF hevði VB ein minutt til at tryggja sær javnleikin, ið hevði givið atgongd til FM-fjórðingsfinaluna, men tað eydnaðist ikki.
StÍF skal tískil spæla FM-fjórðingsfinalu móti Neistanum í høllini á Hálsi 16. apríl. Í hinari fjórðingsfinaluni hittast Stjørnan og VÍF í KÍ-høllini í Klaksvík 15. apríl.
H71 og Kyndil hava vunnið seg beinleiðis í FM-hálvfinalurnar.
Endaliga støðan í grundspælinum:
##med2##
Her er dómaraseðilin frá HSF:
##med3##
