Í 57 minuttir og 29 sekund vóru vestmannakvinnur á sigurskós í triðu FM-finaluni í SMS-deildini móti Kyndli í høllini á Hálsi.
Men seinastu hálvatriðja minuttin skoraði Kyndil tríggjar ferðir uttan, at VÍF megnaði at svara aftur.
VÍF var greitt omaná í fyrra hálvleiki, og vóru tær á odda 17-12 í steðginum. Tá fýra minuttir vóru eftir av dystinum var VÍF á odda 27-25, men tað glapp seinastu løtuna.
Turið Arge Samuelsen var toppskjútti hjá Kyndli við átta málum. Fríða Nolsøe Olsen var framúr í dystinum, og hon skoraði heili 13 mál.
Mikukvøldið klokkan 19 hittast liðini aftur í høllini í Vestmanna. Vinnur Kyndil eru tær FM-vinnarar. Vinnur VÍF verður fimta og avgerandi finalan leikt í høllini á Hálsi komandi leygardag.
HER ber til frá HSF at síggja dómaraseðilin frá 3. FM-finaluni:
##med2##
