Dávur Juul røkir nú aftur starvið sum borgarstjóri í Fuglafjarðar kommunu, eftir at hann hevur verið burturstaddur síðan hin 13. januar í ár.
Meðan borgarstjórin hevur verið í Danmark í sjúkraørindum, hevur Eyðun á Lakjuni verið virkandi borgarstjóri í kommununi.
- Vit ynskja borgarstjóranum vælafturkomnum og takka varaborgarstjóranum fyri tíðina, siga tey í Fuglafjarðar kommunu í dag.
Stutt eftir, at Dávur Juul var farin til Danmarkar, skrivaði hann á sínari Facebook-síðu, at talan var um trupulleikar við knænum.
