Føroyski fjøllistamaðurin í Keypmannahavn, Øssur Johannesen, hevur aftur nú latið nýtt tilfar frá hondum. Hann gevur tvífløgu út, sum hann kallar Solobass+Free Expressions.
Á fyrru fløgu spælir Øssur egnar solobass tulkingar av løgum eftir ymsum tónaskøldum sum eitt nú Regin Dahl, Martin Joensen og Johan Sebastian Bach.
Seinna fløgan inniheldur improvisatiónstónleik, sum Øssur hevur komponerað. Øssur spælir akustiskan bass, guitar og trummir umframt slagverk. Hans Karl Hansen spælir akkustiskan guitar á einum lagi.
Øssur Johannesen hevur sjálvur framleitt, og David Springborg hevur tikið upp og ljóðblandað í einum studio í Frederiksberg.
Sum listamaður luttekur Øssur Johannesen á Artnorden listamessuni frá 5. - 7. apríl í Sydhavnen í Keypmannahavn.
