Fernando Santos, ið hevur verið portugisiskur landsliðsvenjari síðani 2014 er sagdur úr starvi aftaná, at Portugal reyk út úr HM-kappingini í Katar aftaná 0-1 fjórðingsfinalutapið fyri Marokko.
Fernando Santos hevði annars sáttmála við portugisiska fótbóltssambandið fram til 2024.
Fernando Santos kann hóast vónbrotið í Katar líta aftur á nøkur glæsilig úrslit. Í 2016 vann Portugal EM, og í 2019 vann Portugal ta fyrstu Nations League kappingina í søguni.
Tað verður væntað, at legendariski venjarin, José Mourinho fer at taka við starvinum sum portugisiskur landsliðsvenjari.
