Svøríki fer at senda JAS 39 Gripen stríðsflogfør til Grønlands at hava eftirlit.
Tað upplýsir svenski forsætisráðharrin, Ulf Kristersson, sambært Reuters.
Flogførini fara á kanningarferð kring Grønland og Ísland, stendur í fráboðanini.
– Hetta styrkir ræðingina, verjir felags áhugamál okkara og stuðlar undir javnvág í einum øki, sum er avgerandi fyri Evropa og transatlantiska samstarvið, sigur Ulf Kristersson í eini fráboðan sambært Reuters.
Stuðulin hjá Svøríki er partur av NATO-uppgávuni Arctic Sentry, sum hevur til endamáls at styrkja trygdina í Arktis.
JAS 39 Gripen flogfør eru framleidd av svenska vápnaframleiðaranum Saab.
/Ritzau/
