Pál Joensen skal í dag svimja 4x200 metra frí stafett. Tað var ikki meiri enn akkurát, at Pál Joensen megnaði at svimja kravtíðina undan Olympisku leikunum. Tað var til Danish Open í mars mánaði, at Pál Joensen bjargaði Mads Glæsner, Daniel Skaaning og Anders Lie, sum ikki svumu upp til sítt besta. Tá Pál Joensen kom á mál var tað bara 27/100 partar av einum sekundi undir OL kravtíðina.
- Det var imponerende af vores færøske ven, Pal Joensen, staðfesti danski viðmerkjarin tá tað gjørdist greitt at kravtíðin var nádd. Endaliga tíðin varð 7.15,38.
Svimjingin sæst undir greinini.
4x200 frí stafettin byrjar klokkan 11.17 í dag.
