Eirikur Lindenskov
35 pastel- og vatnlitsmyndir hevur listamaðurin Olivur við Neyst at sýna fram í framsýningarhølinum hjá Spegl- og Rammubúðini á Føroya Termovirki við Sundsvegin í Havn.
Hetta er fyrsta listaframsýning hjá Spegl- og Rammubúðini, men ikki tann síðsta, siga tey, tá Sosialurin vitjaði inn á gólvið.
Olivur við Neyst sigur, at hann hevur málað øll listaverkini í ár - og kveikjanina hevur hann fingið úr heimliga umhvørvinum í Norðoyggjum, sigur hann.
Hetta er fyrsta framsýningin hjá Olivuri í Føroyum í ár, men hann hevur kortini sýnt fram í Danmark.
? Í summar hevði eg eina framsýning í Grenå, eins og eg saman við øðrum, m. a. Ingálvi av Reyni og Kára Svensson, sýndi fram í NB Gallarínum.
Annars er Olivur farin at fyrireika seg til várframsýningina, sum verður marsmánaði.
Seinast í mars verður eisini ein føroysk framsýning í Det Fri við Østerport Station í Keypmannahavn. Olivur ætlar, eins og fleiri aðrir listarmenn, at vera við. Hetta er ein úrtøkuframsýning, sum Listafelagið skipar fyri.
Framsýningin hjá Olivuri við Neyst í Spegl- og Rammubúðini verður opin til jól jóla - soleiðis:
Mánadag - hósdag kl 800-1700
Hósdag - fríggjadag kl 800-1700
Leygardag kl 1000-1300.
