Tað hevur sum heild verið friðarligt hjá løgregluni seinasta samdøgrið.
- Vit hava verið til steðar á regattatiltakinum í Hósvík. Her var nakað av fólki, men stak friðarligt.
Vaktleiðarin visti í morgun at siga, at tey eisini hava havt politibátin í Hósvík.
- Báturin er eisini har norðuri í morgun, nú væntandi er, at bátarnir skjótt fara at loysa.
Tað er vanligt, at fleiri bátar loysa í Hósvík um middagin í dag og halda leiðina fram til Nólsoyar á ovastevnu.
Men, her hevur einki verið at sett fingurin á, og einki mál er skrivað, visti vaktleiðarin at siga í morgun.
- Vit halda, at tað er gott skil í, bæði hjá teimum sum fyriskipa og sigla, sigur løgreglan.
Lesið eisini -
So er ovastevna aftur í Nólsoy - https://www.in.fo/news-detail/so-er-ovastevna-aftur-i-nolsoy
