Ein av mest umrøddu russisku hernaðarbloggarunum, Voenkor Kotenok, sigur, at ein toppleiðari í russiska herinum er deyður í álopi í Ukraina.
Bloggarin skrivar, at generalmajorurin, Sergej Goryatsjev, er deyður á hermótinum í Zaporizjzja-regiónini.
- Hernaðarleiðarin læt lív í einum fíggindasinnaðum rakettálopi, skrivar Voenkor Kotenok á Telegram.
Deyðsfallið er ikki váttað av óheftum keldum, men stórmiðlar, sum CNN og Bild, endurgeva hernaðarbloggaran, Voenkor Kotenok.
- Kríggið tekur tey bestu. Herurin hevur mist ein av teimum snildastu og mest effektivu leiðarunum við professionaliteti og persónligum móti, leggur bloggarin aftrat.
