Sambært amerikanska krígsmálaráðharranum, Pete Hegseth, var báturin brúktur til at smugla rúsevni sambært amerikonsku fregnartænastuni og sigldi á eini leið, sum er kend sum smuglingarleið. Hetta skrivar hann á X, har hann eisini hevur deilt eitt video av álopinum.
Umborð vóru tríggir menn, sum Hegseth ákærir fyri at hava verið "narko-yvirgangsmenn".
Álopið er bert eitt av mongum, sum USA hevur framt í Kyrrahavinum og Karibia móti mistonktum rúsevnasmuglarum seinastu mánaðirnar. Bátarnir eru ofta smáir og sigla í økjum langt frá USA.
- Hesir narko-yvirgangsmenninir koma við rúsevnum til strendur okkara fyri at eitra amerikanarar heima - og tað fer ikki at eydnast teimum. Deildin fer at viðgera tey AKKURAT sum vit viðgjørdu Al-Qaeda. Vit fara framhaldandi at spora teir, kortleggja teir, sagstra teir og drepa teir, skrivar Hegseth.
Álopið fór fram í altjóða sjógvi.
##med2##
