Danska tónleikablaðið GAFFA heiðar á hvørjum ári tónleikarar fyri útint avrik seinasta árið. Um ein góðan mánað - 3. mars - verða tónleikavirðislønirnar 2022 handaðar í Århus.
Og føroyingar gera av álvara um seg á listanum av tilnevndum í ár - tríggir føroyingar eru tilnevndir virðislønir.
Serliga er tað Teitur, ið ger um seg, tí hann er í uppskoti at vinna heili fimm virðislønir.
Brimheim er í uppskoti til tvær, meðan Eivør er í uppskoti til eina virðisløn.
Teitur er tilnevndur fyri fylgjandi:
Ársins donsku útgávu / Cazador de Ostras
Ársins donsku pop-útgávu / Cazador de Ostras
Ársins solistur
Ársins danska livenavn
Ársins danski sangskrivari
Brimheim er tilnevnd fyri fylgjandi:
Ársins danska livenavn
Ársins danska hitt / Call It What You Want
Eivør er tilnevnd:
Ársins danska livenavn
Til ber hjá øllum at atkvøða fyri teimum tilnevndu HER.
