Fyrrverandi amerikanski forsetin Donald Trum hevur givið út ein sang saman við einum bólki av fólki, sum vórðu fongslað fyri lut sín í álopinum á Kongressina í USA 6. januar í 2021.
Tað skrivar blaðið Forbes.
Í sanginum, sum eitur »Justice for All«, lesur Trump úr amerikanska trúskapareiðrinum.
Sangurin skiftir ímillum framførslu hjá Trump av trúskapareiðrinum og ein bólki av um 20 fangum – sum eru ákærd í sambandi við kongressálopið – tey syngja amerikanska tjóðsangin »The Star-Spangled Banner«.
Síðst í sanginum rópa fangarnir »USA« í kór.
Við miðilin The Guardian sigur Barb McQuade, sum er professari í løgfrøði við University of Michigan og fyrrverandi advokatur, at sangurin ein »ein miskunningartaktiskur tikin beinleiðis úr autoritera amboðskassanum«.
Trump hevur enn einki sagt í sambandi við útgávuna. Hann hevur tó fleiri ferðir áður víst stuðul til fólk, sum eru fongslað eftir álopið 6. januar í 2021.
Yvirskotið skal til familjur hjá fólkum, sum eru fongslað fyri lut sín í álopinum 6. januar.
Bólkurin eitur J6 Prison Choir. Tað er ikki beinleiðis greitt, hvussu langt limirnir í bólkinum eru í rættargongdini – altso um tey eru dømd ella varðhaldsfongslað.
Fleiri fólk doyðu, tá óð Trump viðhaldsfólk lupu á kongressbygningin í Washington D. C. 6. januar í 2021.
Undan álopinum segði Trump millum annað við viðhaldsfólkini, at tey skuldu taka landið aftur og »stríðast sum inn í helviti«.
Hann endurtók eisini ódokumenteraða uppáhaldið um, at valsigurin á forsetavalinum var stolin frá honum vegna svik.
Trump roynir at gerast valevni fyri republikanska flokkin til forsetavalið næsta ár.
Hann tók upp sín part av saginum í heimi sínum, Mar-a-Lago í Florida. Samstundis sungu tey fongslaðu yvir eitt telefonsamband úr einum fongsli í Washington D. C.
/ritzau/
