Síðan kongressin varð álopin av Trump fjepparum tann 6. Januar 2021, hava allir pílar peika á Donald Trump, sum tann ið hevur ábyrgdina av álopunum. Nú sigur ein nýggj rapport tað sama.
- Ongar av hendingunum tann 6. Januar vóru hendar uttan hann.
So greið er niðurstøðan hjá kongresúrvalinum, ið hevur kannað leiklutin fyrrverandi forsetin átti í samband við álopini.
Rapportin skrivar, at Trump breyt lógina tá hann áhaldandi kravdi, at valúrsliti til forsetavalið í 2020 skuldi broytast. Hann lat eisini vera við at royna at steðga sínum fjepparum í at leypa á lóggávutingið í USA.
Rapportin er 814 síður og byggir á samrøður við fleiri enn 100 vitnir og 10 hoyringar. Ein gjøgnumgongd av milliónavís av skjølum hava somuleiðis verið við til at mynda rapportina.
5 fólk lótu lív í sambandi við álopini á kongressina 6. Januar 2021. Fleiri vórðu særd, harav 138 politistar.
