Tvífaldar toppuppgerðir

Í Eik-liguni hjá bæði kvinnum og monnum er talan um toppdystir, tá Mjølnir og SÍ bresta saman í Badmintomhøllini í Klaksvík sunnudagin. Serliga hjá monnunum er kappingin á stigatalvuni javnari, nú stigini eru koyrd niður í helvt

Hilmar Jan Hansen

11.12.2009 (12:38)

<style type="text/css">  </style>   <p class="MsoNormal">Dystirnir í Eik-liguni hjá monnum um vikuskiftið eru teir fyrstu í seinnu hálvu av landskappingini. Tá fyrra hálva endaði fyri viku síðani, vórðu stigini koyrd niður í helvt, og tí er munurin millum liðini minkaður tilsvarandi. Tað átti at givið spenning í báðum endum.</p> <p class="MsoNormal">Serliga verður áhugavert at síggja, hvat fer at henda í toppuppgerðini millum menninar hjá Mjølnir og SÍ, sum verður í Klaksvík sunnudagin. Liðini hava møtst tríggjar ferðir, og av teimum vann Mjølnir tær báðar fyrru ferðirnar og SÍ ta triðju ferðina. Nú fæst so enn eina ferð at síggja, hvør dregur longra stráið.</p> <p class="MsoNormal">Í hinum dystinum tekur ÍF á Kambsdali í morgin ímóti Fleyr. Enn hevur ÍF einki stig fingið, men síðstu dystirnar er liðið farið at taka sett frá hinum, so tí verður eisini spennandi at síggja, um støðuga framgongdin hjá ÍF røkkur til at taka Fleyr.</p> <p class="MsoNormal"><o:p> </o:p> <p class="MsoNormal">Mjølnir til roynd<o:p></o:p> <p class="MsoNormal">Spenningurin í Eik-liguni hjá kvinnunum er ikki heilt so stórur, tí har hevur SÍ ligið klárt á odda alla tíðina, men líka so vist hevur tað verið, at Mjølnir hevur verið argasti kappingarneytin. Sunnudagin hava klaksvíkskvinnur møguleikan at nærkast SÍ, um tað eydnast at gera nakað við oddaliðið í hesi toppuppgerðini, ið fyri Mjølnir má metast sum sonn styrkiroynd.</p> <p class="MsoNormal">Eisini er talan um ein nokk so avgerandi dyst millum Fleyr og TB í Gundadalshøllini sunnudagin, tí hesi bæði eru tey, ið kappast um at sleppa upp í part sum avbjóðari heilt har frammi. TB hevur tikið seg fram í síðstuni, samstundis sum spælið hjá Fleyr hevur svingað, so her kann alt henda.</p> <p class="MsoNormal">Dráttur skal sunnudagin á útivølli møta ÍF á Kambsdali, og er hetta ein dystur, Dráttur á pappírinum er favorittur til, tí ÍF hevur higartil bara vunnið eina ferð í átta royndum. ÍF vil gera alt fyri at sleppa úr botninum, meðan Dráttur við sigri ikki missir sambandið við miðjuna á stigatalvuni.</p>

Tvífaldar toppuppgerðir

Mest lisið

Myndir: Eldur í sethúsum í Hornabø

Eldur í sethúsum í Hornabø

Løgreglan heldur at øll sluppu út úr húsunum

- Hetta fer at taka í minsta lagi ein tíma aftrat

Burturvístur á skeinkistaði

Samuel og liðfelagarnir vunnu stórsigur

Tvey ára gamalt barn doyði í russiskum dronuálopi

Rektarin við 262 nýggj lesandi: – Haldið fast í forvitninum!

Landssjúkrahúsið fær fjarhita

Norski oljugrunnurin sleppur sær av við fyritøkur í Ísrael