Í løtuni eru fimm partrolarapør til fiskiskap eftir upsa, og eitt par fiskar gulllaks.
- Fiskiskapurin eftir upsa er góður, siga tey á Fiskamarknaði Føroya í dag.
Av djúpvatnstrolarunum er bara ein til fiskiskap.
- Teir eru á Íslandsrygginum og koma møguliga inn at landa síðst í næstu viku.
Fýra av teimum smáu trolbátunum eru eisini til fiskiskap, og teir fáa mest av toski, hýsu og flatfiski.
- Allir trolbátarnir koma inn at landa í næstu viku.
Upplýst verður, at tveir smáir trolbátar liggja, tí teir eru lidnir við sínar fiskidagar.
Trý garnaskip fiska svartkalva, og sagt verður, at skipini hava góðan fiskiskap.
- Væntandi koma øll garnaskipini inn at landa í næstu viku, siga tey á Fiskamarknaði Føroya.
