- Eg eri órógvaður av tíðindunum um, at ein drona í nátt datt niður yvir fólkað økið í Rumenia.
Hetta skrivar norski uttanríkisráðharrin, Espen Barth Eide, á X, fyrrverandi Twitter.
Í útsøgnini heldur hann, at russisku atgerðirnar eru fyrilitarleysar.
- Vit stuðla Rumenia av fullum huga og fordøma vandamikla russiska áganginum, sigur uttanríkisráðharrin.
Hann leggur aftrat, at Noreg stuðlar øktari verju av eystara parti av Nato-økinum.
Tvey fólk fingu smærri løstir, tá ein russisk drona í nátt datt niður á takið á einum íbúðarbygningi í rumenska býnum, Galati.
- Ein røð av evropeiskum londum hava funnist at Russlandi fyri ágangin, veit tíðindastovan NTB at siga í morgun.
