Í kvøld verða tær fyrstu av teimum seinnu uppgerðunum av áttandapartsfinalunum í Champions League kappingini leiktar.
Talan er sum kunnugt um átta dystir, har fleiri av feløgunum longu nú meira ella minni hava tryggja sær pláss í fjórðingsfinalunum.
Og í teimum báðum dystunum sum verða leiktir í kvøld, er talan um dystir, sum tykjast meira ella minni avgjørdir.
Á Emirates leikvøllinum í London, tekur Arsenal ímóti týsku meistarunum úr Bayern Munchen, ið sum kunnugt vunnu 5-1 í fyrru uppgerðini. Tað skal tí eitt størri undur til, um Arsenal skal hava nakran sum helst møguleika fyri at vinna seg víðari í kappingini í kvøld.
Hin uppgerðin er eitt lítið sindur meira spennandi enn tann í London, hóast at verandi Champions League meistararnir úr Real Madrid eru stórfavorittar fyri víðari luttøku. Teir skulu til Italia at spæla útidyst ímóti Napoli, har Real Madrid hevur eina 3-1 leiðslu við sær frá heimadystinum.
Báðar uppgerðirnar í kvøld byrja klokkan 19:45, og verða vístar á Televarpinum.
Dystirnir í kvøld:
Arsenal – Bayern Munchen (Vístur á Tv3Sport1)
Napoli – Real Madrid (Vístur á Tv3+)
