Strandakvinnur tryggjaðu sær fríggjadagin tvey stig, tá ið tær høvdu vitjan av grannunum hinumegin fjørðin, Tjaldur, men liðið úr Runavík royndist væl drúgvari, enn tær hava gjørt í flestu av dystunum í ár.
Tað er ein styrkur fyri StÍF, at kviki og royndi vongspælarin Beinta Joensen er komin aftur í barndómsfelagið eftir at hava roynt seg í Stjørnuni ein part av hesum kappingarárinum.
Tað var tó ikki nóg mikið til, at Tjaldur fríggjadagin fekk ognað sær síni fyrstu stig á árinum, tí til tað var StÍF ov sterkt.
Strandakvinnur vunnu dystin trygt 36-24, eftir at tær høvdu verið á odda við tíggju málum í steðginum.
StÍF-Tjaldur 36-24(16-8)
StÍF: Poula Olsen 10, Súnfríð B. Jacobsen 10(4), Malan Petersen 8, Paula Høgnesen 4, Rebekka Justinussen 3, Rósa Johansen 1
Tjaldur: Beinta Joensen 9(2), Hanna Isaksen 5, Mary-Ann Isaksen 4, Sonja Gleðisheygg 2, Heidi Sevdal 2, Kristine Ellingsgaard 2
Brotskøst: StÍF 5(4), Tjaldur 2(2)
Ùtvísingar: StÍF 1, Tjaldur 1
Dómarar: Heri Petersen og Brandur Johansen
