Í døgunum 1. november til 5. november fer føroyska u-18 kvinnulandsliðið at vera við í EM undankappingini, sum verður í Onglandi.
Fýra lond eru við í hesum bólkinum, og okkara gentur skulu spæla móti vertunum úr Onglandi, móti Ukraina og móti Moldova. Fyrsti dysturin ? tann móti vertunum ? verður mánadagin 1. november. Hesin dysturin verður leiktur á vøllinum hjá Telford United F.C.
Næsti dysturin verður móti Ukraina mikudagin 3. november og tann seinasti verður móti Moldova fríggjadagin 5. november. Hesir báðir seinnu dystirnir vera í Lilleshall Sport Center.
Føroyska ferðalagið fer úr Føroyum leygardagin 30. oktober og verður aftur leygardagin 6. november.
Leikararnir sum vera við á ferðini eru: Ata Høgnadóttir, Silja á Borg, Maria Johnsson, Eyðvør Thomsen, Fríða Petersen, Vivian Thorleifsson, allar úr HB, Halltóra Joensen, Gurið Mortensen, Annika Poulsen, Linda Kjærbo, allar úr VB, Annelisa Justesen og Ann Olsen úr KÍ, Irdi Hansen úr NSÍ, Heidi Petersen, Poula Gregersen og Hansa Mikkelsen úr GÍ og Elin Højsted og Janett Clementsen úr B71.
Venjari hjá U-18 landsliðnum er, sum nevnt, Álvur Hansen Meðan Jón Harald Poulsen er hjálparvenjari. Margrið Weihe er liðleiðari og Sonja Skúvadal er fysioterapeutur.
