Føroyska U18-manslandsliðið í hondbólti skal spæla í niðara millumumfarinum í EM-endaspælinum, ið er í Montenegro í hesum døgum.
Tað er greitt aftaná, at Føroyar taptu 25-35 (9-18) fyri Spania, og Frakland tapti 31-34 (16-19) fyri Svøríki.
Tað gevur hesa støðuna í innleiðandi bólki D:
| 1. Spania | 2 | 2 | 0 | 0 | 76 : 58 | 18 | 4 stig |
| 2. Svøríki | 2 | 2 | 0 | 0 | 66 : 60 | 6 | 4 stig |
| 3. Frakland | 2 | 0 | 0 | 2 | 64 : 75 | -11 | 0 stig |
| 4. Føroyar | 2 | 0 | 0 | 2 | 54 : 67 | -13 | 0 stig |
Í morgin klokkan 15 spæla Føroyar og Frakland um at vinna stig við sær í niðara millumbólkin. Sum støðan er í bólki C nú vera tað Danmark og Slovenia, ið vera hini bæði liðini í niðara millumbólkinum.
Eins og til U20-EM, so sleppa 11 tey fremstu londini til HM-endaspælið komandi ár, og 13 tey fremstu sleppa til EM-endaspælið fyri U18-landslið um tvey ár. So tað verður óannsæð nógv at spæla fyri hjá okkara monnum.
