Teir fyrstu Leopard 1-stríðsvognarnir, sum Danmark, Týskland og Niðurlond lata Ukraina, verða klárir at taka í nýtslu í Ukraina í mai.
Tað váttar Troels Lund Poulsen, virkandi verjumálaráðharri í Danmark yvirfyri danska TV2.
Í gjár vitjaði hann Flensburger Fahrzeugbau Gesellschaft (FFG) í Týsklandi, har stríðsvognarnir nú verða gjørdir klárir at senda á hermótið í Ukraina.
- Veitingin fer at fevna um fleiri mánaðir, og teir seinastu stríðsvognarnir fara avstað, tá vit eru komin væl út á heystið, sigur Troels Lund Poulsen.
Málið er, at Ukraina skal fáa millum 80 og 90 Leopard 1-stríðsvognar frá Danmark, Týsklandi og Niðurlondum í 2023.
##med2##
