Í gjárkvøldið rendi eitt smáflogfar seg fast í eina háspenningarmastur í Maryland í USA.
Tveir mans í sekstiárunum vóru í flogfarinum, og teir sluppu til alla lukku óskalaðir frá hendingini.
Við tað, at flogfarið gjørdist fast í háspenningarmastrini, var neyðugt við serligum fyrivarni, tá menninir skuldu bjargast úr flogfarinum.
Sagt verður úr Maryland, at hendingin við flogfarinum í háspenningarlinjuni elvdi til streymslit í økinum.
Tíðindastovan NTB veit at siga, at flogfarið rendi seg fast 30 metrar yvir lendinum.
Tað var ikki fyrr enn tíðliga í morgun okkara tíð, at tað eydnaðist at bjarga monnunum úr flogfarinum.
