- Økið rundan um barnagarðin Látipípuna í Vestmanna hevur nú fingið eitt lyft – hetta fyri at skapa eitt innbjóðandi og fjølbroytt útirúm, sum bæði børn, starvsfólk og familjur kunnu fáa gleði av.
Soleiðis siga tey í Vestmanna kommunu.
Í fjør summar skiftu húsavørðarnir hjá kommuni graslíkið á vøllinum og gjørdu eitt trampolin- og klintriøki, samstundis sum teir eisini smíðaðu eitt eyka ítrivsrúm inni.
- Arbeitt verður framvegis við at menna økið, og fyrr í mánaðinum varð undirlag úr gummi lagt undir klintristativið og reiggjurnar á spæliplássinum.
Í Vestmanna kommunu siga tey, at í næstum verður ein súkklubreyt gjørd í ovara parti av garðinum, sum fer at geva børnunum enn fleiri møguleikar til spæl og rørslu.
- Eisini verður ymiskt máliarbeiði gjørt, og runnar og trø verða plantað fyri at skapa lívd og hugna.
Sagt verður, at í Látipípuni ganga tey elstu børnini, áðrenn tey fara í skúla.
- Í dagtímunum brúkar barnagarðurin økið til sítt dagliga virksemi, men øll eru annars vælkomin at brúka spæliplássið, bálsmáttuna og aðrar hentleikar á staðnum.
Í Vestmanna kommunu siga tey, at tá økið við Látipípuna verður liðugt, verður tað útiøkið í Gjáarlon, har tey minstu børnini ganga, sum fer at fáa eina yvirháling.
- Ætlanin er eitt nú at gera útiøkið meira grønt við bakkum og einari á, verður lagt aftrat.
##med2##
##med3##
##med4##
