137 fólk doyðu í gjár, tá vápnaðir illgerðarmenn framdu fleiri samskipað álop í vesturafrikanska landinum Niger.
Tað sigur landsins stjórn í dag sambært tíðindastovunum AFP og Reuters.
Myndugleikar á staðnum høvdu fyrr í dag uppgjørt deyðstalið til 60.
Illgerðarmenninir lupu sambært Reuters á tríggjar ymsar bygdir í Tahoua-landspartinum, sum hevur mark ímóti Mali.
Mánadagin í síðstu viku drupu ókendir álopsmenn 58 fólk í grannabygdini Tillabery.
/ritzau/
