Vælkomin á Mentanardagar í Fuglafirði 1. – 4. september 2022

– Vit fegnast um at kunna bjóða øllum frá bæði fjar og nær til nakrar dagar, har sjóneykan verður sett á hvat Fuglafjørður bjóðar.

Soleiðis skrivar Dávur Juul, borgarstjóri í Fuglafirði, í Sosialinum, sum verður borin í hvørt hús í landinum mánadagin. Tað er í sambandi við Mentanardagarnar, sum verða í Fuglafirði frá 1. til 4. september:

– Tiltikna Regnskjólagøtan, har grannaløg í felag skipa soleiðis fyri, at vit øll kunnu vera saman undir litføgru regnskjólunum, til felags­ sang, hugna, konsertir og barna­ tiltøk.

Stóri Matmarknaðurin, har vit bjóða eitt fjølbroytt úrval av før­ oyskari matframleiðslu, við nógv­ um smakkiroyndum og spennandi søluvørum, frá eini rúgvu av stórum og smáum føroyskum framleiðar­ um. Matmarknaðurin varð upp­ runaliga settur á skrá fyri at vísa, at í Fuglafirði er sjógæti mentan, men hevur síðani ment seg at umfata allar føroyskar matvørur og gevur møguleika at skilja, smakka, snakka og keypa.

Morgunmatarbrunsh á báta­ brúgvum við tónleiki. Hví ikki byrja dagin soleiðis? Ella bílegg tær pláss á eini av teim mongu heima­mat­ stovunum kring um í Fuglafirði, sum bjóða eitt tyssi av ymiskum rættum.

Kórtónleikur sermerkir Fugla­ fjørð og fríggjakvøldið verður ein serstøk konsert í Mentanarhúsinum við Fuglafjarðar sangkóri, við kór­ sangi, ið eru skrivaðir av lokalum tónaskøldum, til tekstir og týðingar hjá Alexanduri Kristiansen.

Leygarkvøldið verður eitt brak av eini konsert á skonnartini Kyrja­ steini við: joe and the shitboys, RSP og Marius Dj.

Mentanardagar varpa ljós á mentanarríkidømi í býnum, eggja og viðurkenna týdningin av mentanararbeiðinum og síðst, men ikki minst tryggja, at mentanararv­urin verður hjúklaður um og førdur víðari til komandi ættarlið.

Vit gleða okkum til nakrar spenn­ andi og hugnaligar dagar í Fuglafirði og fara at ynskja øllum hjartaliga vælkomin til Mentanardagar 2022.

Dávur Juul

borgarstjóri