Petur Skeel, veðurfrøðingur á Miðlahúsinum, sigur at veðrið fer at batna.
Í dag verður gul til stívt andøvsgul av landnyrðingi og yvirhøvur turt og sólglottar. Hitin millum 7 og 10 stig.
Í morgin verður nokk nakað verri veður aftur, upp í hvassan vind av landnyrðingi og ælingur. Hitin millum 7 og 10 stig.
Hósdagin batnar veðrið so aftur, gul til stívt andøvsgul av landnyrðingi, turt og sólglottar. Hitin millum 6 og 9 stig.
Fríggjadagin verður eitt lot av landnyrðingi, fríggjadagin okkurt æli, leygardagin yvirhøvur turt. Hitin millum 5 og 9 stig.
Týsnáttina fór eitt lágtrýst eystureftir og brúgvalagið við Føroyar fór suðureftir. Mikunáttina fer eitt lágtrýst yvir Skotlandi spakuliga í ein landnyrðing.
