Meistaraliðið Víkingur, sum hevur verið í steypafinaluni fimm tey undanfarnu árini, verður ikki partur av finaluni í ár. Tað varð staðfest, tá ið B36 í Gundadali vann 1-0 ímóti Víkingi.
Trýst á pílin á myndini fyri at síggja samandráttin
Einasta málið skoraði B36 miðvallarin Eli Falkvard Nielsen í áttanda minutti. Víkingur spenti álopsbogan fram ímóti dystarenda, og tað varð meiri broddur í Víkinga álopinum, eftir at Andreas Lava Olsen varð skiftur inn, men tað varð bara tað eina málið.
Víkingur hevði ikki tapt ein avgerandi dyst í vanligari leiktíð í kappingini um Løgmanssteypið í fimm ár.
B36-Víkingur 1-0 (1-0)
1-0: Eli Falkvard Nielsen
