Aftaná at hava fingið bert eitt stig í fýra teimum seinastu dystunum eydnaðist tað í kvøld Stefan Radosavljevic og liðfeløgunum í Sligo Rovers at vinna 3-1 á Bohemians á heimavølli í bestu írsku fótbóltsdeildini.
Stefan skoraði til 3-0 við einum dreymahøggi frá 20 metra fjarstøðu, tá hann sendi bóltin í einum boga uppum málverjan hjá Bohemians.
Stefan byrjaði annars ikki inni fyri Sligo Rovers í kvøld, men hann kom á vøllin frá byrjanini av seinna hálvleiki.
Kailin Barlow legði Sligo á odda 1-0 tá 26 minuttir vóru farnir av fyrra hálvleiki. Beint undan steðginum økti Max Mata til 2-0. Klokkan vísti 56 minuttir tá Stefan økti til 3-0.
Bohemians skoraði til 3-1 stutt undan leikloki.
Sligo er nummar sjey í deildini við 26 stigum.
HER ber til at síggja hæddarpunktini frá dystinum. Njótið 3-0 málið hjá Stefani Radosavljevic:
##med2##
