- Tað verður tvífalt so torført á útivølli í Føroyum. Tað helt 36 ára gamli svenski høvuðsvenjarin hjá Motherwell FC, Alfred Johansson aftaná fyrra dystin millum Motherwell og HB á Fir Park leikvøllinum, ið Motherwell vann 2-0.
Talan var um fyrsta sigurin hjá Alfred Johansson í einum kappingardysti, sum venjari hjá Motherwell. Undanfarnu trý árini hevur Alfred Johansson vant gamla norska stórliðið, Rosenborg.
Alfred Johansson ger greitt, at undirlagið - graslíkið - verður eitt meira ókent undirlag fyri fleiri leikarar, og hann væntar, at Motherwell má renna meira og arbeiða meira fyri at knógva ein samlaðan sigur á HB á Tórsvølli.
Dysturin verður leiktur komandi hóskvøld klokkan 18.
HER er samrøðan YouTube-rásin hjá Motherwell FC gjørdi við Alfred Johansson aftaná 2-0 sigurin á HB:
##med2##
