Er tín bilur bensin, diesel, el ella annað?
- Eg havi el-bil, sigur Rúna Sivertsen í Klaksvík.
Hvørjar royndir hevur tú av bilinum?
- Eg keypti el-bil fyrstu ferð í 2018 og aftur í ár. Royndirnar við sjálvum bilunum eru góðar, og eg vildi ikki skift aftur frá el.
Hon vísir á, at el-bilarnir eru sera behagiligir at koyra, so tá tú fyrst hevur roynt tað, virkar ein bensin- ella dieseldrivin bilur keðiligur og larmandi.
- Tað, sum er avbjóðandi, eru møguleikarnir at løða. Politiskt er avgjørt at seta tiltøk í verk fyri at fáa fólk at keypa el-bil, men hvørki í Føroyum ella Danmark eru møguleikarnir at løða nóg góðir.
Hugsar tú um el-bil til næsta keyp?
- Ja, eg keypi el-bil aftur og hevði ikki funnið upp á at keypt mær bensin ella diesel.
Rúna Sivertsen heldur, at fyrimunirnir við el-bili eru nógvir – og ikki minst eru teir bæði friðarligir og umhvørvisvinarligir.
- Teir larma ikki og hava einki útlát. Her er eingin ólekkur olju- ella bensinluktur, leggur hon aftrat.
(Í seinasta VikuskiftisSosiali høvdu vit serblað um bilar)
