Bridge
Í døgunum 17. til 22. juni var NM fyri unglingar (U-25) í Trelleborg, Svøríki. Á føroyska liðnum vóru:
Arne Mikkelsen, 23 ár
Magni Jøkladal, 23 ár
Reimund Langgaard, 23 ár
Høgni Vesturklett, 18 ár
Gunnar Mouritsen, 18 ár
NPC Finn Ougaard
Tað eydnaðist liðnum at vinna ein av dystunum - tann móti Finnlandi. Úrslitið varð 17-13 til Føroyar. Bara í tveimum av teimum átta dystunum fingu okkara menn rættiliga oyrini í maskinuna. Í hinum seks dystunum stóðu teir seg væl ella hampuliga væl.
Bara tað, at vit ikki enda á aftasta plássi, er ein hálvur sigur fyri okkum. Tá hugsað verður um, hvussu fáar leikarar í unglingaaldri vit hava, má sigast, at hetta er eitt gott úrslit.
Endaliga støðan í kappingini var henda:
1. Ísland 188
2. Noreg 1 172
3. Danmark 1 171
4. Noreg 2 161
5. Svøríki 1 138
6. Finland 121
7. Danmark 2 100
8. Føroyar 91
9. Svøríki 2 84
Úrslitini hjá tí føroyska liðnum vóru hesi:
Føroyar - Ísland 08-22
Føroyar - Danmark 2 08-22
Føroyar - Noreg 2 02-25
Føroyar - Noreg 1 11-19
Føroyar - Finnland 17-13
Føroyar (yvirsitari) 18
Føroyar - Danmark 1 02-25
Føroyar - Svøríki 2 12-18
Føroyar - Svøríki 1 13-17
Vit skulu síggja, hvussu Magni og Arne meldaðu ein góðan stóraslemm í dystinum móti Noreg 1.
E/NS
J109532
J873
-
542
A6 K84
Q4 A5
AK5432 QJ96
AK3 QJ109
Q7
K10962
1087
876
V N E S
Magni Arne
- - 1 kl pass
1 rú pass 1 ut pass
2 rú pass 3 rú pass
3 hj pass 3 ut pass
4 sp pass 5 rú pass
7 rú pass pass pass
2 rú var XY-sans. Krav til útgang.
3 hj var Trelde. Spyr um hald og eftir essum.
3 ut vísti hald í hjartara og eitt ess.
4 sp var Beta Trelde, spurdi um hald í spaðara og eftir trumf-frúgv.
5 rú vísti hald í spaðara og trumf-frúgv.
Við helvtina av teimum átta borðunum varð stórislemmur meldaður í hesum spælinum. Mótstøðumenninir hjá okkum meldaðu eisini hendan slemmin, so spælið endaði javnt har.
Vit skulu eisini síggja eitt gott og heppið offurmeld frá dystinum móti Finnlandi. Eitt spennandi spæl, sum kundi farið báðar vegir.
V/NS
K3
K107
10765
QJ98
1085 QJ97642
852 96
QJ93 K
A72 1053
A
AQJ43
A842
K64
V N E S
Gunnar Høgni
pass pass 3 sp D
4 sp D pass pass
pass
Um mótspælið í góðari tíð spælir kleyvara, kunnu teir taka 7 stikk, og so kostar offurmeldið 800. Men Høgni fekk rútaran góðspældan og kundi kasta tveir kleyvarar til rú Q og J. Sostatt fingu finnar her bara 300 fyri hetta spælið.
Soleiðis gekk meldið við hitt borðið:
V N E S
Arne Magni
pass pass 3 sp 4 hj
4 sp 5 hj pass pass
pass
Magni valdi at melda 4 hj heldur enn at upplýsingardupla. Nú var eitt sindur lættari hjá Arna at melda 5 hj. Um Vestan finnur ein lítlan rútara í útspælinum, fer kontraktin niður. Men tað gjørdi hann ikki, og so kundi Magni taka trumf, avblokera sp A og síðan góðspæla kleyvaran. Mótspælið fekk fyri kl A og eitt stikk í rútara, og Føroyar 650 fyri spælið.
