Kinesiski forsetin, Xi Jinping, er í dag einmælt afturvaldur til forseta landsins næstu fimm árini.
Soleiðis fer hann nú undir sítt triðja skeið í forsetasessinum í Kina.
Sambært tíðindastovuni NTB varð Xi Jinping einmælt afturvaldur.
Allir teir næstan 3000 limirnir í kinesiska tjóðartinginum tóku einmælt undir við at velja sitandi forseta aftur.
Men, hann var eisini einasta forsetavalevni.
Valið av Xi Jinping gørdi ongan ovfarnan, tá hann í fjør heyst varð afturvaldur sum floksleiðari í kinesiska kommunistaflokkinum.
Tað hevur annars verið praksis, at kinesiski forsetin bert situr tvey 5-áraskeið, men hetta vildi Xi Jinping broyta.
Tí fær hann nú fimm ár aftrat í forsetasessinum í heimsins fólkaríkasta landi.
Ein av teimum, sum longu hevur ynskt Xi Jinping tillukku við afturvalinum, er russiski forsetin, Vladimir Putin.