Jóan Símun Edmundsson var við allan dystin, tá OB í dysti í donsku superliguni tapti 0-1 á heimavølli ímóti SønderjyskE. Marc Pedersen skoraði sigursmálið longu tá níggju minuttir vóru farnir av dystinum. Sambært Fyens Stiftstidende var Jóan Símun ikki so eyðsýndur í dag, sum hann hevur verið undanfarnu dystirnar.
Komandi sunnudag vitjar OB AGF á útivølli.
Viljormur í Heiðunum Davidsen var við frá dystarbyrjan, tá Vejle á heimavølli tapti stórt 1-5 ímóti Hobro. Longu í steðginum var Hobro á odda 4-0, og eftir 48 minuttir vóru farnir var Hobro á odda 5-0, so talan var um ein ringan dag í verjuni hjá Viljormi og teimum.
Meinhard E. Olsen var við frá byrjan, tá Vendsyssel FF á útivølli tapti 0-1 ímóti HB Køge. Fremad Amager vann á heimavølli 2-1 á FC Fredericia. Finnur Justinussen sat á beinkinum. Fremad Amager fekk Martin Jensen vístan av vølli, tá 57 minuttir vóru farnir av dystinum, og tá mátti venjarin, John "Faxe" Jensen binda um afturi í verjuni.
Komandi vikuskiftið vitjar Vejle AB í Gladsaxe. Fremad Amager vitjar Næstved, og Vendsyssel FF tekur ímóti Helsingør.
Klokkan 15 taka Hallur Hansson og teir í AC Horsens ímóti Brøndby á heimavølli.
Støðan í næstbestu donsku fótbóltsdeildini:
# | ||||||||
---|---|---|---|---|---|---|---|---|
1 | Hobro | 21 | 11 | 4 | 6 | 38 - 24 | 37 | |
2 | FC Roskilde | 21 | 10 | 6 | 5 | 30 - 26 | 36 | |
3 | Skive | 21 | 11 | 2 | 8 | 26 - 31 | 35 | |
4 | Fremad Amager | 21 | 8 | 8 | 5 | 31 - 22 | 32 | |
5 | Vendsyssel FF | 21 | 9 | 5 | 7 | 31 - 28 | 32 | |
6 | HB Køge | 21 | 7 | 10 | 4 | 22 - 16 | 31 | |
7 | FC Helsingør | 21 | 7 | 9 | 5 | 29 - 23 | 30 | |
8 | Nykøbing FC | 21 | 9 | 3 | 9 | 28 - 30 | 30 | |
9 | Fredericia | 21 | 7 | 5 | 9 | 21 - 29 | 26 | |
10 | Vejle | 21 | 6 | 7 | 8 | 28 - 26 | 25 | |
11 | Næstved | 21 | 6 | 3 | 12 | 32 - 38 | 21 | |
12 | AB Gladsaxe | 21 | 3 | 2 | 16 | 21 - 44 | 11 |