Tað er kendasta og mest søguliga staðið í Orknoyggjunum, ið er íblásturin til sniðgevingina av heiðursmerkjunum m.a. føroysk ítróttarfólk fara at fáa um hálsin á oyggjaleikunum í Orknoyggjunum í 2025.
Talan er um nógv vitjaða Brogar-ringin, ið er á høvuðsoynni, Mainland. Fornfrøðingar meta, at Brogar-ringurin, ið sæst á myndini omanfyri er nærum 5.600 ára gamal.
Tað er Jodie Brown sum hevur vunnið sniðgeviskappingina. Oyggjaleikanevndin á Orknoyggjunum staðfestir, at talan er um ein upplagdan vinnara, ið hevur megnað at hava inndrigið kendastu ímyndina av Orknoyggjunum í sniðgevingini.
##med2##
##med3##
Myndir: Orknoyiska oyggjaleikanevndin.
Oyggjaleikirnir á Orknoyggjum vera dagarnar 12. til 18. juli í 2025. Leikirnir fara fram á høvuðsoynni, Mainland og flestu kappingarnar vera í høvuðsbýnum, Kirkwall. Tó vera nakrar kappingar avgreiddar í næststørsta býnum, Stromness. Hendinga fótbóltsdystir vera leiktir aðrastaðni á Mainland.
Orknoyingar hava ein frálíkan ítróttarmiðdepil í Kirkwall, ið tey nevna Pickaquoy. Nógvar av kappingunum vera avgreiddar í Pickaquoy-ítróttarmiðdeplinum.