Á tíðindafundi í morgun kunngjørdi Tjóðveldi, hvørji teirra valevni vera til fólkatingsvalið 18. juni.
- Vit hava sett eitt sterkt lið saman, sum umboðar alt landið, segði Høgni Hoydal, formaður floksins.
Valevnini eru:
Pauli T. Petersen, Vestmanna
Páll á Reynatúgvu, Sandur
Torbjørn Jacobsen, Glyvrar
Magni Arge, Argir
Annita á Fríðriksmørk, Hoyvík
Tór Marni Weihe, Hoyvík
Sirið Stenberg, Vágur
Kristina Háfoss, Hoyvík
Høgni Hoydal, Hoyvík
Gunvør Balle, Argir
Óluva Klettskarð, Klaksvík
Jóhann Lützen, Klaksvík
Listin inniheldur í stóran mun væl kend nøvn. Fimm av teimum seks tinglimum floksins stilla upp. Sambært Høgna Hoydal hevur Bjørt Samuelsen boðað frá, at hon ikki ynskti at stilla upp til fólkatingsvalið, men vil miðsavna seg um aðrar uppgávur, og kanska eisini onnur val.
Torbjørn Jacobsen stillar upp aftur, eftir at hava hildið ein steðg úr politikki í fýra ár. Magni Arge ger eisini comeback, á ein hátt. Hann stillaði upp til løgtingið í 1988 og sat eitt stutt skifti inni sum varamaður.
Pauli T. Petersen er eitt nýtt navn í tjóðveldishøpi. Hann hevur so seint sum hetta valskeiðið, siti á tingi fyri Fólkaflokkin, men stillar altso til val fyri Tjóðveldi til komandi fólkatingsval.
Tey bæði umboðini hjá Tjóðveldi í Klaksvíkar býráð, Óluva Klettskarð og Jóhann Lützen, stilla bæði upp, og seinastur á listanum er umboðið hjá Unga Tjóðveldi, Tór Marni Weihe, sum longu hevur boðað frá, at hann eisini er umboð ungmannafelagsins til løgtingsvalið seinni í ár.
