Fríggjakøldið 12. juni klokkan 19 verður konsert í Fríðrikskirkjuni á Toftum við einum donskum manskóri, sum kallast Horne Manskór.
Kórið kemur úr Horne á Suður Fjóni, sum liggur seks kilometrar vestan fyri Faaborg.
Manskórið varð stovnað í 1845, og tað er í sambandi við teirra 170 ára stovningardag, at kórið vitjar í Føroyum.
Kórið vitjar í døgunum 11.-15. juni. Tað verður bert tann eina konsertin, men á ferðini í Føroyum fer kórið eisini at gera ymiskar útferðir.
- Horne Manskór, sum telur 45 mans, syngur klassiskan kirkjusang, sálmar og vísur. Talan er bæði um gamlan og nýggjan tónleik - alt frá opera til musical, veit Nes kommuna at siga í dag.
