Grønlendska bjargingartænastan bjargaði í fjør 175 neyðstøddum fólkum á landi og sjógvi.
Tað vísir ein uppgerð, sum blaðið Sermitsiaq endurgevur.
Bjargingartænastan var útkallað 82 ferð til neyðstøður. 53 ferðir var neyðstøðan á sjónum, har fólk vóru komin illa fyri umborð á skipum ella jollum, ella vóru dottin á sjógv.
175 av teimum 183 neyðstøddu fólkunum vórðu bjargað. Fýra fólk vóru funnin druknað, og fýra fólk eru framvegis ikki komin afturíaftur.
