243 bilar higartil í ár

Mest seldi bilur í Føroyum í ár er framvegis Toyota. 243 bilar eru seldir av vælumtókta japanska bilmerkinum í Føroyum higartil í ár.

Næst Toyota er Citroen, sum er seldur 196 ferðir higartil í ár, vísa hagtøl frá Akstovuni.

Á triðja plássið kemur Volkswagen.

Hyggja eftir sølutølunum fyri august mánað sæst, at aftan fyri Toyota á fyrsta plássið, sum seldi 25 bilar í farna mánaði, eru fýra bilmerki á øðrum plássi við 22 bilum: Ford, Mitsubishi, Nissan og Volkswagen.

Higartil í ár eru seld 1957 nýggj akfør í Føroyum. Nógv flest av teimum eru persónbilar, sum vóru 1453 í tali. Næstmest seldi bilbólkur eru vørubilar. 207 nýggir vørubilar eru seldir í Føroyum higartil í ár.